Կատեգորիա: Տոներ
Ինչպես եկեղեցական կարգի համաձայն՝ օրը փոխվում է երեկոյան ժամը 17:00-ին, երեկոյան ժամերգությունից հետո, մեր Տեր Հիսուս Քրիստոսի Սուրբ Ծննդյան և Աստվածահայտնության տոնը սկսվում է Ծննդյան նախօրեին՝ հունվարի 5-ի երեկոյան, և շարունակվում է կեսգիշերից հետո՝ հունվարի 6-ին։
Նախօրեին մատուցվում է Ճրագալույցի տոնական Սուրբ Պատարագ։ Պատարագի ավարտից հետո հավաքված հավատացյալները տուն են տանում վառված մոմեր և ճրագներ, որոնք խորհրդանշում են աստվածային լույսը և Եկեղեցու օրհնությունը։
Ճրագավառությունը խորհրդանշում է Բեթղեհեմի աստղի լույսը, որն առաջնորդեց մոգերին դեպի մանուկ Քրիստոսը։
