Հայ Առաքելական Եկեղեցու Հիւսիսային Ամերիկայի Արևմտեան թեմը Միացեալ Նահանգների Արեւմտեան մասում ապրող հայերի հոգևոր տունն է: Թեմը Մայր Աթոռ Սուրբ Էջմիածնի Ամենայն հայոց կաթողիկոսության անբաժանելի մասն է և եկեղեցիների ուղղափառ ընտանիքի անդամը:
Թեմը պաշտօնապէս հիմնադրուել է 1927 թուականին։
Արևմտեան թեմը, որի առաջնորդանիստը ներկայումս գտնւում է Կալիֆորնիայի Բըրբանք քաղաքում, ընդգրկում է Արևմտեան Միացեալ Նահանգները, ներառեալ՝ Վաշինգտոնը, Մոնտանան, Օրեգոնը, Այդահոն, Վայոմինգը, Կալիֆորնիան, Նևադան, Յուտան, Կոլորադոն, Արիզոնան, Նիւ Մեքսիկոն, Հաւայան կղզիները, Ալյասկան, ինչպէս նաև թեմին նոր միացուած Մեքսիկան։
Ապրի՛ր քրիստոնեական հավատքդ և հայկական մշակույթդ առօրյա կյանքում
Մոտ եղիր Աստծուն | Արևմտյան թեմը պատրաստ է օժանդակելու համայնքների անդամներին՝ զորացնելով կապը Աստծու հետ, ճանաչելով Հիսուս Քրիստոսի ուսմունքը, ապրելով Նրա պատգամներով։
Հավատարիմ եղիր քրիստոնեական ավանդներին | Հայաստանեայց Առաքելական Եկեղեցու ուսմունքին և պաշտամունքներին հետևելով՝ քրիստոնեական հավատքը կենսունակ և իմաստալից պահիր այսօրվա և գալիք սերունդների համար։
Ապրիր հայկական արմատներդ և ինքնությունդ | Թեմը ձգտում է մշտապես կենդանի պահել հայկական մշակույթը՝ հայոց պատմությանը, լեզվին, մշակույթին և ավանդույթներին ծանոթանալու լայն հնարավորություններ ու միջոցներ ընձեռելով:
Սովորեք և զորանաք միասին | Թեմը համայնքի անդամներին է առաջարկում եկեղեցական ծրագրեր՝ քրիստոնեական հավատքը խորացնելու և հայկական ժառանգությունը արժևորելու համար, միևնույն ժամանակ կապ հաստատելով համայնքի մյուս անդամների հետ։
Քրիստոնեական հավատքդ և հայ մշակույթդ դարձրո՛ւ կենսակերպ և այն տարածի՛ր առօրյա կյանքում
Ապրիր հավատքդ ամեն օր | Աստծու հետ կապը դարձրու առօրյա կյանքի մի մասը՝ աղոթքով, Հիսուսի մասին սովորելով և եկեղեցական համայնքում գործուն մասնակցությամբ։
Ապրիր մշակույթդ | Ապրիր հայկական ավանդույթները՝ պատմությունը, լեզուն, արվեստը և ընտանեկան սովորությունները, որպեսզի դրանք կենդանի և բովանդակալից մնան քո և ապագա սերունդների համար:
Կառուցիր ամուր հարաբերություններ | Ստեղծիր սիրող և աջակցող համայնք, որտեղ բոլորն իրենց գնահատված կը զգան՝ անկախ ծագումից կամ հայկական մշակույթի հետ ունեցած կապից:
Օգնիր ուրիշներին | Տարածիր սեր և բարություն՝ արտացոլելով Աստծու սիրո պատգամը աշխարհում:
Եղիր ավելի մեծ նպատակի մի մասը | Կապված մնա՛ քո քրիստոնեական հավատքին և մշակույթին, ուր կը գտնես հոգեպես աճելու, արմատներդ գնահատելու և կենսունակ ու հոգատար համայնք կառուցելու միջոցներ ապագայի համար։
Ապրի՛ր հավատքդ, ընդունի՛ր մշակույթդ և դրական ազդեցություն ունեցի՛ր քո համայնքում
Մասնակցիր պաշտամունքին | Եկեղեցական արարողությունները, ինչպես՝ Պատարագը, Մկրտությունը և այլ խորհուրդներ, միասնաբար հաղորդակցվելու, աղոթելու և հոգևորապես աճելու առիթներ են, որոնք ամրացնում են հավատքդ և Աստծու և եկեղեցու հետ կապը։
Սովորիր և աճիր | Կրթությունը կյանքի շարունակական ճանապարհ է: Եկեղեցին օգնում է՝ հասկանալու հավատքդ, մշակելու բարձր արժեքներ և կապված մնալու հայկական ավանդույթներին ու հավաքական իմաստությանը:
Օգնիր ուրիշներին | Ինչպես Հիսուս ուսուցանեց, դու նույնպես կանչված ես ծառայելու ուրիշներին: Եկեղեցին ընձեռում է կամավոր ծառայության առիթներ՝ կարիքավորներին և համայնքի անդամներին ձեռք մեկնելու համար։
Ապրիր մշակույթդ | Կենսունակ պահելով հայկական ընտանիքն ու մշակութային ավանդույթները՝ դու կունենաս հայկական ինքնության պատկանելության և հպարտության առավել խորը զգացում, միաժամանակ կապահովես այդ ժառանգության շարունակականությունը:
Ընտրիր խելամտորեն, գործիր սրտացավ | Եկեղեցին ապահովում է, որպեսզի իր միջոցները օգտագործվեն հոգածությամբ ու խելամիտ՝ իր ծրագրերին նպաստելու և համայնքը զարգացնելու համար։
Հրավիրիր և ոգեշնչիր | Եկեղեցին հասնում է նրանց, ովքեր հավատք և նպատակ են փնտրում։ Եկեղեցին հույս է տալիս և իր դռներն է բացում ամենքի առաջ՝ Աստծու հետ ավելի սերտ կապեր հաստատելու համար։
