Թեմ
Հրապարակված է: 08/24/2019
Սիրելի բարեպաշտ հայորդիք,
Ս. Էջմիածնի Մայր Տաճարը մեր նախնեաց քրիստոնէական հաւատքին ծննդավայրն է։ Մեր նախնիք մեզ են վստահած հոգևոր այս անկողոպտելի գանձարանը, և մեզի կը մնայ ոչ միայն պահպանել այն, այլև ապահովապէս փոխանցել գալիք սերունդներուն։
Ս. Էջմիածինը խորհուրդն է մեր գոյութեան։ Խոնարհուինք Ս. Էջմիածնի խորհուրդին առջև, որպէսզի Աստուած բարձրացնէ մեզ և առաջնորդէ մեր ազգը դէպի յաւերժութիւն։
Օգոստոս 29-30-ի օրերուն Առաջնորդ Սրբազան կ’ուղևորուի Պրազիլ, ուր կը հիւրընկալուի թեմի Առաջնորդ Գերշ. Տ Նարեկ եպիսկոպոսի և թեմական խորհրդի կողմէ և այնուհետև Օգոստոսի 31 – Սեպտեմբեր 1-ի օրերուն կ’այցելէ Արժանթին, ուր կը հիւրընկալուի թեմի Առաջնորդ Գերշ. Գիսակ Արքեպիսկոպոսի և թեմական խորհրդի կողմէ։ Կիրակի՝ 1 Սեպտեմբերին սրբազանը Ս. Պատարագ կը մատուցանէ Արժանթինի Առաջնորդանիստ Ս. Գրիգոր Լուսաւորիչ եկեղեցւոյ մէջ։
Զոյգ թեմերու այցելութեան ընթացքին Առաջնորդ սրբազանը թեմերու հաւատացելոց պիտի փոխանցի Վեհափառ Հայրապետի օրհնութիւնները և հանգամանալից ներկայացնի Ս. Էջմիածնի Մայր Տաճարի նորոգութեան անյետաձգելի ծրագրերը։
Յաջորդիւ, Յովնան Սրբազանը պիտի շարունակէ իր այցելութիւնները ըստ հետևեալին.
Ա. Հոկտեմբերի 15-16-ի օրերուն Հիւսիսային Ամերիկայի երեք թեմերու Առաջնորդներու համատեղ հանդիպում և ծրագրաւորում նուիրահաւաքի։
Բ. Հոկտեմբերի 24-25-26-27-ի օրերուն յաջորդական այցելութիւններ Լոնտոն, Փարիզ և Վիեննա, և հանդիպումներ թեմակալ Առաջնորդներու և թեմական վարչութեանց հետ և նուիրահաւաքի նախապատրաստութիւն։
Գ. Հոկտեմբերի 2-ի և այնուհետև Հոկտեմբերի 31 – Նոյեմբերի 2-ի օրերուն Առաջնորդ սրբազանը յաջորդաբար կ’ատենապետէ նուիրահաւաքի յանձնախումբի ժողովներուն Մայր Աթոռի մէջ, նախագահութեամբ Վեհափառ Հայրապետի։
Դ. Նոյեմբերի 22-23-24-ի օրերուն յաջորդական այցելութիւններ Պելջիքա, Ամստերդամ և Միլան և հանդիպումներ տեղերու հովութեանց հետ ընկերակցութեամբ Գերշ. Տ. Խաժակ Արքեպիսկոպոսի։
Ե. Փետրուար 2020-ի երկրորդ կէսին նախատսեուած է այցելութիւն Աւստրալիայի և Նոր Զելանդիայի թեմ նուիրահաւաքի նպատակով։
Դիւան Առաջնորդարանի
